Yaponiya qirg‘oq himoyasi xodimlari 6-dekabr, yakshanba kuni Yapon dengizida to‘rt kishining jasadi bo‘lgan yog‘och qayiqni aniqladi. Bu haqda “TASS” xabar bermoqda.
Xodimlarning ma’lum qilishicha, qayiq Xonsyu oroli shimolidagi Aomori prefekturasi qirg‘oqlarida topilgan. Halok bo‘lganlar Shimoliy Koreyadan kelgan bo‘lishi mumkin, chunki qayiqqa koreys iyerogliflari bitilgan.
Bu Yaponiya sohillarida qayiqlar aniqlangan birinchi holat emas: noyabr oxirida Isikava prefekturasida 13 kishining jasadi bo‘lgan to‘rtta qayiq topilgandi. Yaponiyalik qutqaruvchilar qayiqlar shimoliy koreyaliklar tomonidan baliq ovlash uchun foydalanilganligini taxmin qilmoqda.
Izoh (0)