Япония қирғоқ ҳимояси ходимлари 6 декабрь, якшанба куни Япон денгизида тўрт кишининг жасади бўлган ёғоч қайиқни аниқлади. Бу ҳақда «ТАСС» хабар бермоқда.
Ходимларнинг маълум қилишича, қайиқ Хонсю ороли шимолидаги Аомори префектураси қирғоқларида топилган. Ҳалок бўлганлар Шимолий Кореядан келган бўлиши мумкин, чунки қайиққа корейс иероглифлари битилган.
Бу Япония соҳилларида қайиқлар аниқланган биринчи ҳолат эмас: ноябрь охирида Исикава префектурасида 13 кишининг жасади бўлган тўртта қайиқ топилганди. Япониялик қутқарувчилар қайиқлар шимолий кореяликлар томонидан балиқ овлаш учун фойдаланилганлигини тахмин қилмоқда.
Изоҳ (0)