Polsha harbiylari mudofaa qobiliyatini kuchaytirish maqsadida mamlakat hududida AQSh yadro qurolini joylashtirishni so‘rab, NATOga murojaat etishni rejalashtirmoqda. Bu haqda Polsha mudofaa vazirining o‘rinbosari Tomash Shatkovskiy ma’lum qildi, deya xabar beradi “Kommersant.ru”.
Shatkovskiyning aytishicha, аyni paytda vazirlikda Polsha hududini “Yadroviy tiyib turish” dasturiga kiritish borasida NATOga murojaat etish masalasi muhokama etilmoqda. Hozirda mazkur dastur doirasida yadro quroli Belgiya, Germaniya, Niderlandiya va Turkiyada joylashtirilgan.
NATOga a’zo davlatlar orasida uch mamlakat — AQSh, Fransiya va Buyuk Britaniya yadro quroliga ega, biroq faqat AQSh alyansdagi ittifoqdoshlarga ushbu qurolni yetkazib beradi.
Izoh (0)