“O‘zbekiston temir yo‘llari” aksiyadorlik jamiyati va Fransiyaning Alstom kompaniyalari o‘rtasida anglashuv memorandumi imzolandi. Bu haqda “O‘zbekiston temir yo‘llari” matbuot xizmati xabar bermoqda.
Unga ko‘ra, Alstom kompaniyasi “O‘zbekiston temir yo‘llari” aksiyadorlik jamiyati tarkibiga kiruvchi Toshkent mexanika zavodi bazasida asinxron tortishli elektr dvigatellarini ishlab chiqarish bo‘yicha investitsiya loyihasini amalga oshiradi.
Xabar berishlaricha, memorandum 5—6-noyabr kunlari Toshkent shahrida bo‘lib Xalqaro investitsiyaviy forumda imzolangan.
Qayd etish joiz, O‘zbekiston Prezidentining 2015-yil 30-apreldagi qaroriga muvofiq, Toshkent mexanika zavodida to‘rt yo‘nalishda 38 loyihani amalga oshirish ko‘zda tutilgan.
Ma’lumot uchun, Alstom kompaniyasi Fransiyaning yirik mashinasozlik kompaniyalaridan bo‘lib, energetika uskunalari va temiryo‘l transporti qurilmalarini ishlab chiqarish bo‘yicha, Siemens va Bombardier bilan bir qatorda, jahondagi yetakchi shirkatlardan biri hisoblanadi. 2009-yil mart oyi holatiga ko‘ra, kompaniyaning buyurtmalar portfeli 45 milliard dollardan ortiq edi.
Izoh (0)