“Daryo”da doimiy rukn — har kuni eng muhim yangiliklarning kechki dayjesti berib boriladi.
1. “O‘zbektelekom” 5-yanvarga qadar internet sifati yomonlashishi mumkinligidan ogohlantirdi. Bu milliy telekommunikatsiya sohasidagi ko‘ngilni xira qiluvchi bugungi xabar. Biroz bo‘lsa-da ovutadigan boshqa yangilik ham bor.
2. Erdo‘g‘on: Turkiya Rossiya gazisiz nobud bo‘lmaydi. “Turklar qiynalishga o‘rganib qolgan. Allohning ko‘magi bilan bu muammolarni yengib o‘tamiz”, — deydi Turkiya prezidenti. Aksariyat turkiyaliklar ham: “Rossiya gaz bermasa, ko‘mir yoqamiz, nima muammo?”, — deb turibdi.
3. O‘zbekistonda OIV bilan kasallangan 32 mingdan ziyod bemor ro‘yxatga olingan. Ularning 57 foizi erkaklar, aksariyati Toshkent shahri, Toshkent, Andijon va Samarqand viloyatlarida istiqomat qiladi.
4. Afina Turkiya F-16 samolyotlarining Gretsiya havo hududini buzganligini ma’lum qildi. Shunchaki ma’lumot uchun — Gretsiya yaqin vaqtlardan beri Rossiyaning ishongan do‘stlaridan biri hisoblanadi.
5. Chernogoriya NATOning 29-a’zosiga aylanadi. Rossiya esa bunga jim qarab turmoqchi emas — Chernogoriya haqiqatan ham NATOga a’zo bo‘lsa, Kreml bu holatga nisbatan javob choralarini ko‘rishga va’da berdi.
Izoh (0)