«Дарё»да доимий рукн — ҳар куни энг муҳим янгиликларнинг кечки дайжести бериб борилади.
1. «Ўзбектелеком» 5 январга қадар интернет сифати ёмонлашиши мумкинлигидан огоҳлантирди. Бу миллий телекоммуникация соҳасидаги кўнгилни хира қилувчи бугунги хабар. Бироз бўлса-да овутадиган бошқа янгилик ҳам бор.
2. Эрдўғон: Туркия Россия газисиз нобуд бўлмайди. «Турклар қийналишга ўрганиб қолган. Аллоҳнинг кўмаги билан бу муаммоларни енгиб ўтамиз», — дейди Туркия президенти. Аксарият туркияликлар ҳам: «Россия газ бермаса, кўмир ёқамиз, нима муаммо?», — деб турибди.
3. Ўзбекистонда ОИВ билан касалланган 32 мингдан зиёд бемор рўйхатга олинган. Уларнинг 57 фоизи эркаклар, аксарияти Тошкент шаҳри, Тошкент, Андижон ва Самарқанд вилоятларида истиқомат қилади.
4. Афина Туркия F-16 самолётларининг Греция ҳаво ҳудудини бузганлигини маълум қилди. Шунчаки маълумот учун — Греция яқин вақтлардан бери Россиянинг ишонган дўстларидан бири ҳисобланади.
5. Черногория НАТОнинг 29-аъзосига айланади. Россия эса бунга жим қараб турмоқчи эмас — Черногория ҳақиқатан ҳам НАТОга аъзо бўлса, Кремль бу ҳолатга нисбатан жавоб чораларини кўришга ваъда берди.
Изоҳ (0)