1-dekabr kuni butun jahonda OITSga qarshi kurash kuni nishonlandi, deya xabar bermoqda “Gazeta.uz”. O‘zbekistonda ham bu yil OITSga qarshi kurash faoliyatining 25 yilligi nishonlanmoqda.
Respublika OITSga qarshi kurash markazi ma’lumotlariga ko‘ra, 2015-yil 1-noyabr holatiga ko‘ra, O‘zbekistonda 32 743 nafar OIV tashxisiga ega bemor ro‘yxatga olingan, ularning 57 foizini erkaklar tashkil qiladi. Bemorlarning ko‘pchiligi Toshkent shahri, Toshkent viloyati, Andijon viloyati va Samarqand viloyati hissasiga to‘g‘ri keladi.
2000-yildan buyon mamlakatda har yili OIV bilan kasallanish bo‘yicha har yuz ming aholiga taxminan 13 ta yangi holat yoki 4000 ga yaqin yangi bemor qayd etiladi.
O‘zbekistonda OIV-infeksiya tarqalishining oldini olish bo‘yicha kompleks strategiya Respublika OITSga qarshi kurash markazi va OITSga qarshi kurash bo‘yicha 14 ta hududiy markazdan iborat davlat umummilliy tarmog‘i orqali amalga oshirilmoqda.
Izoh (0)