Erdo‘g‘on bilan uchrashmaydigan Putin, 2750 so‘mlik dollar, “Oltin to‘p” da’vogarlari va kunning boshqa muhim yangiliklari

“Daryo”da doimiy rukn — har kuni eng muhim yangiliklarning kechki dayjesti berib boriladi.

1. Putin Parijda Erdo‘g‘on bilan uchrashmaslikka qaror qildi. Turklar esa Su-24 ning urib tushirilgani uchun baribir uzr so‘ramoqchi emas. “Sarhadlarimizni himoya qilish — majburiyatimiz. Majburiyatni bajarganlik uchun uzr so‘ralmaydi”, — deb turishibdi.

2. Rossiyada taqiqlangan Turkiya mahsulotlarining dastlabki ro‘yxati ma’lum bo‘ldi. Importi taqiqlanadigan mahsulotlar orasida yong‘oq va meva-sabzavotlar, rezavor mevalar, ko‘katlar ham borligi aytilmoqda.

3. O‘zbekistonning sakkiz viloyatida 5-dekabr kuni qor yog‘ishi mumkin. 1-dekabr kuni esa hammayoqqa tuman tushishi kutilmoqda. 30-noyabr kuni Toshkentga tushgan tuman fotogalereyasi bu yerda.

4. O‘zbekistonda dollarning rasmiy kursi 2750 so‘mdan oshdi. Dollarning rasmiy kursi to‘qqizinchi haftadirki kamida 14 so‘mga qimmatlamoqda, yevroning mavqei esa tushib bormoqda.

5. Lionel Messi, Neymar va Krishtianu Ronaldu “Oltin to‘p”ga da’vogarlar uchligidan o‘rin oldi. Lionel beshinchisini oladimi yoki Krishtianu to‘rtinchisini? Bu savolning javobini 11-yanvar kuni aniq bilib olamiz.