Эрдўғон билан учрашмайдиган Путин, 2750 сўмлик доллар, «Олтин тўп» даъвогарлари ва куннинг бошқа муҳим янгиликлари

«Дарё»да доимий рукн — ҳар куни энг муҳим янгиликларнинг кечки дайжести бериб борилади.

1. Путин Парижда Эрдўғон билан учрашмасликка қарор қилди. Турклар эса Су-24 нинг уриб туширилгани учун барибир узр сўрамоқчи эмас. «Сарҳадларимизни ҳимоя қилиш — мажбуриятимиз. Мажбуриятни бажарганлик учун узр сўралмайди», — деб туришибди.

2. Россияда тақиқланган Туркия маҳсулотларининг дастлабки рўйхати маълум бўлди. Импорти тақиқланадиган маҳсулотлар орасида ёнғоқ ва мева-сабзавотлар, резавор мевалар, кўкатлар ҳам борлиги айтилмоқда.

3. Ўзбекистоннинг саккиз вилоятида 5 декабрь куни қор ёғиши мумкин. 1 декабрь куни эса ҳаммаёққа туман тушиши кутилмоқда. 30 ноябрь куни Тошкентга тушган туман фотогалереяси бу ерда.

4. Ўзбекистонда долларнинг расмий курси 2750 сўмдан ошди. Долларнинг расмий курси тўққизинчи ҳафтадирки камида 14 сўмга қимматламоқда, евронинг мавқеи эса тушиб бормоқда.

5. Лионель Месси, Неймар ва Криштиану Роналду «Олтин тўп»га даъвогарлар учлигидан ўрин олди. Лионель бешинчисини оладими ёки Криштиану тўртинчисини? Бу саволнинг жавобини 11 январь куни аниқ билиб оламиз.