28-noyabr, shanba kuni Toshkentdagi Ikuo Xirayama nomli xalqaro madaniyat karvonsaroyida “Muhabbatga to‘liq yuraklar” nomli imkoniyati cheklangan bolalarning ijodiy ishlari ko‘rgazmasi ochildi. Unda Qo‘qonning “Iqtidor” va Toshkentning Sanvikt ijodiy markazi tarbiyalanuvchilari iste’dodini namoyish etmoqda. Bu haqda “Gazeta.uz” xabar berdi.
Ko‘rgazmaning ochilish marosimida O‘zbekiston Respublikasi mehnat va aholini ijtimoiy muhofaza qilish vaziri Aziz Abduhakimov, O‘zbekiston Badiiy akademiyasi prezidenti Akmal Nuriddinov, Yaponiyaning O‘zbekistondagi elchisi Fumixiko Kato ishtirok etdi.
Namoyish etilayotgan ijodiy ishlarning savdosi ham ko‘zda tutilgan ko‘rgazma 4-dekabrgacha davom etadi. Unda barcha istovchilar uchun yapon o‘yinlari bo‘yicha mahorat saboqlari ham o‘tkaziladi.
Izoh (0)