O‘zbekistonning sakkiz viloyati — Toshkent, Sirdaryo, Jizzax, Samarqand, Buxoro, Navoiy, Qashqadaryo va Surxondaryoda 5-dekabr kuni qor yog‘ishi mumkin. Bu haqda “O‘zgidromet” xabar bermoqda.
Xabar berishlaricha, 3—5-dekabr kunlari butun O‘zbekiston bo‘ylab yog‘ingarchilik kutiladi, jumladan, 5-dekabr kuni Toshkent, Sirdaryo, Jizzax, Samarqand, Buxoro, Navoiy, Qashqadaryo va Surxondaryo viloyatlarida yog‘ingarchilik qorga aylanishi mumkin.
2—4-dekabrda O‘zbekistonda havo harorati kunduzi +12...+20 daraja iliq bo‘lishi kutilmoqda. 5-dekabrda Qoraqalpog‘iston Respublikasi, Xorazm, Buxoro, Navoiy viloyatlarida havo harorati kunduzi 0...+5 darajagacha, Toshkent, Samarqand, Sirdaryo, Jizzax, Qashqadaryo va Surxondaryo viloyatlarida +3...+8 darajaga pasayadi.
Farg‘ona vodiysi viloyatlari — Andijon, Farg‘ona va Namanganda 2—5-dekabr kunlari davomida havo harorati kunduzi +10...+15 daraja iliq bo‘lishi kutilmoqda. 5-dekabr kuni, O‘zbekistonning boshqa hududlaridagi kabi, vodiyda ham shamol tezligi soniyasiga 15—20 metrgacha kuchayishi mumkin.
Izoh (0)