Namangan shahrida yashovchi fuqaro 12,5 ming dollarni 55 million so‘mga o‘tkazayotgan vaqtida qo‘lga olindi. “Huquq” gazetasi xabariga ko‘ra, valyutafurushni qo‘lga olish bo‘yicha tadbir 2015-yil 8-iyunda o‘tkazilgan.
Ayblanuvchining xonadoni ko‘zdan kechirilganda valyuta qimmatliklarini qonunga xilof ravishda o‘tkazishdan tushgan 26,8 million so‘mdan ortiq pul, 62 AQSh dollari, 2 ta pul sanash qurilmasi va pul oldi-berdisi qayd qilingan yozuv daftari topilgan.
“Mazkur holat yuzasidan fuqaroga nisbatan jinoyat ishi qo‘zg‘atilib, sud hukmiga ko‘ra jazo muqarrarligi ta’minlandi”, — deyiladi gazeta xabarida.
Izoh (0)