Туркманистон Вазирлар Маҳкамаси раиси ўринбосари С.Тойлиев мамлакат илмий-таълим, тиббий, спорт ва сайёҳлик соҳаси ходимлари номидан Туркманистон президенти Гурбангули Бердимуҳамедовга махсус компьютер тизимига эга велосипед совға қилди. Бу ҳақда «Туркман давлат хабарлари» агентлиги хабар бермоқда.
Туркманистон президенти велопойгачи либосида велосипедга ўтириб, велопойга иштирокчилари билан бирга Бетараф Туркманистон шоҳ кўчасидан Атамурат Ниязов шоҳ кўчаси бўйлаб велосипедда сайр қилди.
«Шаҳардаги қурилиш ишларининг 12-навбати доирасида Ашхободнинг бу қисмида қурилаётган оқ мармарли биноларни, ободонлаштириш ишларини кузатиб, миллат етакчиси Гурбангули Бердимуҳамедов пойтахтнинг замонавий қиёфасини шакллантириш бўйича бир қатор тавсия ва кўрсатмалар берди», — дейилади агентлик хабарида.
Изоҳ (0)