Turkiyadan Rossiya va Gruziya orqali Qozog‘istonga tovar tashiydigan yuk avtomobillari Gruziyaning “Kazbegi” va Rossiyaning “Yuqori Lars” bojxona-ruxsat berish punktlari o‘rtasidagi betaraf hududda Rossiyaga kirishga ruxsat berilishini kutishda davom etmoqda. Bu haqda “Nur.kz” xabar berdi.
Gruziya tomonining ma’lum qilishicha, betaraf hududda ayni paytda o‘ttizga yaqin mashina turib qolgan va vaziyat o‘zgarmagan. Haydovchilarning o‘zlari jurnalistlarga qachon chegaradan o‘tishga ruxsat berilishini bilmasligini ma’lum qilgan.
“Rossiya Qozog‘istonga turk tovarlarini olib ketayotganimiz uchun bizni o‘tkazmayapti. Bir necha kundan beri shu yerda turibmiz. Oramizda Ozarbayjon, Turkiya, Armaniston fuqarolari bor, asosan hamma Turkiyadan yuk olib kelgan”, — deya shikoyat qilgan haydovchilardan biri.
Izoh (0)