AQShning Florida shtati Mayami shahrida uch erkak qo‘lga olindi, ular o‘rta maktablar jamoalari o‘rtasida Amerika futboli bo‘yicha o‘yin chog‘ida stadionda otishma uyushtirganlikda ayblanmoqda, deb yozadi “TASS”.
Ular tintuv qilinganida uch dona o‘qotar qurol topilgan. Ayni paytda huquq-tartibot organlari stadionda to‘polonni keltirib chiqargan hodisa yuzasidan tekshiruv olib bormoqda.
O‘qlar 20-noyabr, juma kuni “Mayami sentral” va “Mayami Kerol-Siti” jamoalari o‘rtasidagi o‘yin tugashiga uch daqiqa qolganida otildi. Stadionda sarosima boshlandi, odamlar chiqish eshiklariga qarab intildi. Hodisada hech kim zarar ko‘rmadi.
Izoh (0)