Buyuk Britaniya mintaqada vaziyatni barqarorlashtirish yuzasidan qaror ishlab chiqilmaguncha Suriyadagi terrorchilar manzillariga zarba bermaydi. Bu haqda mamlakat bosh vaziri Devid Kemeron ma’lum qildi, deya xabar beradi “RIA Novosti”.
“Bosh vazir qaror ishlab chiqilmaguncha Suriyaga aviazarba berilmasligini ta’kidladi”, — deya yozadi Sun gazetasi bo‘lim muharriri Nyuton Dann Kemeronning G20 sammitidagi so‘zlaridan kelib chiqib.
Oldinroq Kemeron Rossiya prezidenti Vladimir Putin bilan uchrashgan va uning yakunlari yuzasidan Suriya rahbari Bashar Asadning kelajagi bo‘yicha “qarashlardagi farq” kamayganini ma’lum qilgan. Bosh vazirning aytishicha, u Putinga Suriyada amaldagi prezident tomonidan hokimiyat topshirilishi borasida xalqaro hamjamiyat bilan hamkorlik qilishni taklif etgan.
Izoh (0)