Marokash tekshiruvlar byurosi xodimlari mamlakatda hujumlar amalga oshirishga tayyorgarlik ko‘rgan, IShIDga aloqador bo‘lgan terrorchilik tarmog‘ining to‘rt nafar tashkilotchisini qo‘lga oldi. Bu haqda mamlakat maxsus xizmatlari bayonotiga tayanib, MAR milliy agentligi ma’lum qildi, deya xabar beradi “RIA Novosti” .
“IShIDga aloqador bo‘lgan terrorchilarning rejalariga to‘sqinlik qilishga oid harakatlar doirasida Markaziy tekshiruvlar byurosi 16-noyabr, dushanba kuni Bani Mellal shahrida to‘rt nafar ekstremistdan iborat guruhni fosh etdi”, — deya ta’kidlanadi mazkur bayonotda.
Gumonlanuvchilar IShID qo‘mondonlari bilan aloqada bo‘lgani va ulardan moliyaviy hamda texnik yordam olgani dastlabki tergov chog‘ida aniqlandi. Qo‘lga olinganlar tergov yakunlangandan so‘ng sud oldida javob beradi. Marokash bosh prokurori ushbu ishni shaxsan nazoratiga olgan.
Izoh (0)