Буюк Британия минтақада вазиятни барқарорлаштириш юзасидан қарор ишлаб чиқилмагунча Суриядаги террорчилар манзилларига зарба бермайди. Бу ҳақда мамлакат бош вазири Дэвид Кэмерон маълум қилди, дея хабар беради «РИА Новости».
«Бош вазир қарор ишлаб чиқилмагунча Сурияга авиазарба берилмаслигини таъкидлади», — дея ёзади Sun газетаси бўлим муҳаррири Ньютон Данн Кэмероннинг G20 саммитидаги сўзларидан келиб чиқиб.
Олдинроқ Кэмерон Россия президенти Владимир Путин билан учрашган ва унинг якунлари юзасидан Сурия раҳбари Башар Асаднинг келажаги бўйича «қарашлардаги фарқ» камайганини маълум қилган. Бош вазирнинг айтишича, у Путинга Сурияда амалдаги президент томонидан ҳокимият топширилиши борасида халқаро ҳамжамият билан ҳамкорлик қилишни таклиф этган.
Изоҳ (0)