Rossiya TIV Yevropaga parvozlarni bekor qilish masalasi ko‘rib chiqilayotganini inkor etdi

Rossiya Tashqi ishlar vazirligi Yevropaga parvozlar man etilishi masalasi “ko‘rib chiqilayotgani” haqidagi xabarlarni inkor etdi. “Interfaks” agentligi bu boradagi chiqishini bekor qildi, deya xabar beradi Meduza.

Agentlik xabarining dastlabki ko‘rinishida vazir o‘rinbosari Oleg Siromolotovdan “Taqiqni TIV emas, prezident qo‘yadi. Hozircha bu haqda gap ketmayapti. Ammo masala ko‘rib chiqilmoqda”, degan iqtibos keltirilgandi. Shunday iqtibos “TASS” xabarida ham keltirilgan. Biroq bu agentlik o‘z xabarini bekor qilmadi. Vazir o‘rinbosariga Parijdagi teraktlar munosabati bilan parvozlar man etilishi mumkinligi xususida savol berilgan edi.

Eslatib o‘tamiz, oldinroq Rossiya Sinay yarim orolida samolyot qulagani tufayli Misrga parvozlarni to‘xtatib qo‘ygandi.