“Marsel” va Fransiya termasi yarim himoyachisi Lassana Diarra uning xolavachchasi Parijdagi teraktlar chog‘ida halok bo‘lganini ma’lum qildi, deb yozadi “Korrespondent.net”.
“Men terrorchilar hujumidan bevosita jabr ko‘rdim. Xolavachcham Asta Diakite boshqa begunoh fransuzlar kabi qurbonlardan biri bo‘ldi. Ayni paytda na rangga, na dinga ega bo‘lgan dahshatga qarshi birlashish kerak. Biz birgalikda mehr, hurmat va tinchlikni himoya qila olamiz”, — deb yozdi futbolchi Facebook’dagi sahifasida.
Diarra Fransiya va Germaniya termalari o‘rtasidagi matchda (2:0) 80 daqiqa davomida o‘ynadi.
Eslatib o‘tamiz, 14-noyabr, shanbaga o‘tar kechasi Parijda ketma-ket sodir bo‘lgan teraktlar oqibatida 150 dan ortiq kishi halok bo‘ldi.
Izoh (0)