Yaman — O‘zbekiston uchrashuvini ummonlik hakam boshqarib boradi

JCh — 2018 saralashining 2-bosqichidan o‘rin olgan navbatdagi uchrashuvni O‘zbekiston milliy terma jamoasi safarda Yaman terma jamoasiga qarshi o‘tkazadi, deya xabar bermoqda “Uff.uz”.

Ayni paytda Yamanda notinchlik hukm surayotgani uchun mazkur o‘yin Qatar poytaxti Doxa shahrida bo‘lib o‘tadi.

Uchrashuvni ummonlik FIFA referisi Abdulloh Muhammad Al-Hiloliy boshqarib boradi. Bu haqda O‘zbekiston Futbol federatsiyasi rasmiy Twitter’i xabar berib o‘tmoqda.

Yaman — O‘zbekiston uchrashuvi 17-noyabr kuni bo‘lib o‘tadi.