Fransiya futbol federatsiyasi Angliyaga qarshi o‘yinni bekor qilmaslikka qaror qildi
Fransiya futbol federatsiyasi 17-noyabr, seshanba kuni “Uembli” stadionida bo‘lib o‘tishi kerak bo‘lgan Angliya termasiga qarshi o‘yinni bekor qilmaslikka qaror qildi, deb xabar beradi “Uff.uz”.
Avvalroq, Fransiyada ro‘y bergan teraktlar tufayli xavfsizlik nuqtai nazaridan mazkur o‘yinni o‘tkazmalik masalasi ko‘rib chiqilayotgandi. Ammo federatsiya o‘yinni o‘tkazishni istamoqda.
Agarda mamlakat hukumati bu qarorga qarshi chiqmasa, 17-noyabr kuni Angliya – Fransiya termalari ishtirokida o‘rtoqlik o‘yini bo‘lib o‘tadi.
Eslatib o‘tamiz, Fransiya poytaxtida 13-noyabr, juma kuni turkum teraktlar sodir etilgan. Ulardan biri Fransiya va Germaniya terma jamoalari o‘rtasidagi o‘rtoqlik o‘yini o‘tkazilayotgan “Stad de Frans” stadioni yaqinida ro‘y bergandi.
Izoh (0)