“Real” forvardi Krishtianu Ronaldu shaxsiy hayoti haqida gapirib berdi, deb yozadi “Sports.ru”.
“Ayni paytda bir nechta ayollar bilan uchrashyapman, ‘qalbimning yagona egasi’ni hali topganimcha yo‘q. Ularning ba’zilari bu kastingga o‘xshagan narsa ekanligini biladi. Men uchun bu normal vaziyat”, — dedi sportchi.
“Tanlash juda qiyin. Ayollarning yarmi menga mashhur bo‘lganim uchun qiziqishini bilaman. Bu normal holat, bunday vaziyatda bo‘lgan bitta men emasman. Biroq o‘zimga to‘la ishonaman, deb ayta olaman. Bo‘yim baland, tishlarimning hammasi joyida, qad-qomatim kelishgan”, — deya ta’kidladi Ronaldu.
Eslatib o‘tamiz, forvard 2010-yildan buyon rossiyalik top-model Irina Sheyk bilan uchrashib yurgan, biroq juftlik shu yil yanvarida ayrilishgan.
Izoh (0)