Россиянинг «Биринчи канал»и эфирида махфий ҳужжат тасвири пайдо бўлгани ҳақидаги хабарлардан сўнг президент маъмурияти томонидан қабул қилинган чоралардан бири сифатида, журналистларга мажлисларни уларда Владимир Путин пайдо бўлмагунича тасвирга тушириш тақиқланди, дея хабар бермоқда Meduza.
Энди Кремль биносига кирадиган журналистларга телефонларни топшириш мажбурияти юкланди, мажлисга Путин кириб келгунича эса теле- ва фотокамералар деворга қаратилиши керак.
Эслатиб ўтамиз, Россия президенти Владимир Путин 9 ноябрь куни мудофаа-саноат комплексини ривожлантириш масалалари бўйича мажлис ўтказди. Телерепортажга «Статус-6» кўп мақсадли океан тизими тилга олинган ҳужжат тасвири тушиб қолди. Президент матбуот котиби Дмитрий Песков эфирда ҳақиқатан ҳам махфий ҳужжат кўрсатилганини тасдиқлади — кадрлар телеканаллар сайтларидан олиб ташланди.
Изоҳ (0)