21-noyabr kuni soat 20:00 da OXUS Culture tashkiloti tomonidan muntazam tashkillashtirib kelinayotgan “Mumtoz musiqa oqshomi” turkumidagi navbatdagi musiqiy kecha tashkillashtirmoqda. Bu haqda OXUS Culture tashkiloti “Daryo”ga xabar berdi.
“Ushbu loyiha milliy, mumtoz musiqa shinavandalariga boy musiqiy an’analarimiz, maqomlarimizdan tinglash, milliy cholg‘ularimiz, asl musiqa merosimizni targ‘ib etish maqsadida tashkillashtirib kelinmoqda. Navbatdagi maxsus dastur O‘zbekiston hududida mavjud uch maqom maktabi, Buxoro Shashmaqomi, Xorazm maqomlari hamda Farg‘ona—Toshkent maqomlari turkumiga kiruvchi asarlar asosida tayyorlangan”, — deyiladi tashkilot xabarida.
Dasturdan o‘rin olgan maqomlar Zulfiya nomidagi davlat mukofoti sovrindori xonanda Mohichehra Shomurotova, O‘zbekiston Davlat Konservatoriyasi Katta o‘qituvchilari xonanda va sozanda Shavkat Matyoqubov hamda sozanda Ravshan Abduazimovlar tomonidan ijro etiladi.
Izoh (0)