Jon Lennonning o‘tgan asr 60-yillarida o‘g‘irlangan gitarasi Beverli-Xillzdagi auksionda rekord darajadagi summa — 2,4 million dollarga sotildi. Uning xaridori o‘zini oshkor etmaslikni ma’qul ko‘rdi. Bu haqda “Gazeta.kz” xabar bermoqda.
Lennon tomonidan 1962-yili Liverpulda xarid qilingan Gibson gitarasi “Bitlz” guruhining “Love Me Do”, “Please Please Me”, “I Want to Hold Your Hand” va “From Me to You” kabi mashhur qo‘shiqlarini yaratishda foydalanilgani ma’lum.
Gitara “Bitlz”ning Londonda 1964-yil kirib kelishi oldidan bergan konsertidan keyin yo‘qolgan va keyinchalik AQShdagi do‘konlardan birida paydo bo‘lgandi. Uni 1970-yili kimga tegishli ekanligini bilmagan gitarachi Jon Makkou bir necha yuz dollarga sotib olgandi. Keyinchalik Makkouning do‘stlari “Bitlz” fotosuratlari albomini tomosha qilish chog‘ida uning Lennon qo‘lidagi gitara bilan o‘xshash ekanligini payqab qolgan. Ekspertlar esa bu taxmin to‘g‘riligini tasdiqlagan.
Izoh (0)