Beeline kompaniyasining O‘zbekistondagi daromadi 2015-yilning uchinchi choragi yakunlariga ko‘ra, o‘tgan yilning shu davri bilan qiyoslaganda 3 foizga kamayib, 185 million dollarni tashkil etdi, deya xabar bermoqda UzDaily.
Shu bilan birga, operatorning 2015-yilning to‘qqiz oyi davomidagi daromadi 527 million dollarga teng bo‘ldi, bu o‘tgan yilning shu davriga nisbatan 1 foizga kam demakdir.
Kompaniya ma’lumotlariga ko‘ra, uchinchi chorakda mobil xizmatlar segmentidagi daromad 2,6 foizga kamayib, 184 million dollarni tashkil qildi. O‘zgarmas xizmatlar segmentida esa Beeline daromadi 1,4 million dollarga teng bo‘ldi, taqqoslash uchun, o‘tgan yilning shu davrida bu ko‘rsatkich 2 million dollarni tashkil etgan.
Beeline’ning O‘zbekistondagi abonent bazasi 2015-yil uchinchi choragi yakunlari bo‘yicha 10,2 million kishidan iborat bo‘ldi, bu o‘tgan yilgidan 3 foizga kam demakdir.
Izoh (0)