“Lukoyl” Qashqadaryodagi Hisor konida elektr ta’minoti obyektlarini qurdi

Rossiyaning “Lukoyl” kompaniyasi Qashqadaryo viloyatidagi Janubi-G‘arbiy Hisor gaz kondensati konida elektr ta’minoti obyektlarini qurdi, deya xabar bermoqda “Gazeta.uz”.

“Hisorni to‘liq rivojlantirish” loyihasi doirasida Jarquduq va Odamtosh konlarida texnologik obyektlar va konning tayanch bazasini elektr bilan ta’minlashga mo‘ljallangan ikkita podstansiya qurilishi yakunlandi.

Ikkita 2×6300 kVA transformatoriga ega “Jarquduq” 110/10 PS hamda ikkita 2×25000 kVA transformatoriga ega “Odamtosh” 110/10 PS podstansiyalari foydalanishga topshirildi.

“Janubi-G‘arbiy Hisor” loyihasi bo‘yicha tabiiy gaz ishlab chiqarish 2011-yil dekabrida boshlangan. U Jarquduq—Yangi Qizilcha blokidagi eng yirik konda yiliga 1,1 milliard kubometr gaz qazib chiqarish quvvati bilan ishga tushgan.