Россиянинг «Лукойл» компанияси Қашқадарё вилоятидаги Жануби-Ғарбий Ҳисор газ конденсати конида электр таъминоти объектларини қурди, дея хабар бермоқда «Газета.uz».
«Ҳисорни тўлиқ ривожлантириш» лойиҳаси доирасида Жарқудуқ ва Одамтош конларида технологик объектлар ва коннинг таянч базасини электр билан таъминлашга мўлжалланган иккита подстанция қурилиши якунланди.
Иккита 2×6300 кВА трансформаторига эга «Жарқудуқ» 110/10 ПС ҳамда иккита 2×25000 кВА трансформаторига эга «Одамтош» 110/10 ПС подстанциялари фойдаланишга топширилди.
«Жануби-Ғарбий Ҳисор» лойиҳаси бўйича табиий газ ишлаб чиқариш 2011 йил декабрида бошланган. У Жарқудуқ—Янги Қизилча блокидаги энг йирик конда йилига 1,1 миллиард кубометр газ қазиб чиқариш қуввати билан ишга тушган.
Изоҳ (0)