Germaniyaning Ekental shahrida tennis bo‘yicha “Chellenjer” turkumiga kiruvchi, sovrin jamg‘armasi 35 ming yevro bo‘lgan musobaqaning asosiy to‘r bahslari davom etmoqda. “Olamsport” xabariga ko‘ra, musobaqada o‘zbekistonlik Farrux Do‘stov ham ishtirok etmoqda.
O‘zbekistonning ikkinchi raketkasi juftliklar bahsida italiyalik Federiko Gayya bilan tandem hosil qilgani holda, birinchi bosqichda qozog‘istonlik Aleksandr Nedovesov hamda Bosniya va Gersegovina vakili Mirza Basichga qarshi bahs olib borishi kerak edi.
Lekin raqib tennischilar kortga chiqmaganligi sababli, Do‘stov — Gayya juftligi kurashsiz keyingi bosqichga yo‘l oldi.
E’tiborga molik jihati, Farrux Do‘stov yakkalik bahslarining ilk davrasida ham aynan Mirza Basich bilan hisob-kitob qiladi. Yakkalik musobaqasida 8-raqam ostida tasniflangan Do‘stovning bu bahsi 4-noyabr, chorshanba kuni Toshkent vaqt bilan soat 16:00 da boshlanishi ko‘zda tutilgan.
Izoh (0)