Германиянинг Экентал шаҳрида теннис бўйича «Челленжер» туркумига кирувчи, соврин жамғармаси 35 минг евро бўлган мусобақанинг асосий тўр баҳслари давом этмоқда. «Оламспорт» хабарига кўра, мусобақада ўзбекистонлик Фаррух Дўстов ҳам иштирок этмоқда.
Ўзбекистоннинг иккинчи ракеткаси жуфтликлар баҳсида италиялик Федерико Гайя билан тандем ҳосил қилгани ҳолда, биринчи босқичда қозоғистонлик Александр Недовесов ҳамда Босния ва Герцеговина вакили Мирза Басичга қарши баҳс олиб бориши керак эди.
Лекин рақиб теннисчилар кортга чиқмаганлиги сабабли, Дўстов — Гайя жуфтлиги курашсиз кейинги босқичга йўл олди.
Эътиборга молик жиҳати, Фаррух Дўстов яккалик баҳсларининг илк даврасида ҳам айнан Мирза Басич билан ҳисоб-китоб қилади. Яккалик мусобақасида 8-рақам остида таснифланган Дўстовнинг бу баҳси 4 ноябрь, чоршанба куни Тошкент вақт билан соат 16:00 да бошланиши кўзда тутилган.
Изоҳ (0)