Futbol bo‘yicha 2018-yilgi jahon chempionati ikkinchi saralash bosqichi, 7-tur o‘yinlari doirasidagi H guruhining O‘zbekiston – KXDR o‘rtasidagi uchrashuvni eronlik hakamlar brigadasi boshqarib boradi. Bu haqda O‘zbekiston futbol federatsiyasi matbuot xizmati xabar berdi.
12-noyabr kuni Toshkentdagi “Paxtakor” markaziy stadionida bo‘lib o‘tadigan o‘yinga bosh hakam etib Alirizo Fag‘oniy tayinlangan. Unga qanotlarda Rizo Suxandon hamda Muhammadrizo Mansuriy yordam berishadi. Uchrashuv to‘rtinchi hakami — Movud Bonyadifard. Nazoratchi — Salim Sayid Alsuvaydiy (BAA). Komissar — Salmon Muhammad Namshan (Saudiya Arabistoni).
Eslatib o‘tamiz, o‘yin Toshkent vaqti bilan soat 18:00 da boshlanadi.
Izoh (0)