Taniqli jurnalist Yuriy Kot Korbanning hibsga olinishi Ukrainaning diktatura tomon qo‘ygan navbatdagi qadami bo‘lganini yozdi, deya xabar bermoqda “Korrespondent.net”.
“Shubhasiz, Gennadiy Korban aybsiz emas, biroq… uning o‘rtog‘i Boris Filatov aytishicha, hech qanday ayblovlar haqida gap ham bo‘lgani yo‘q. U Dnepropetrovskda partiya va ko‘ngillilar ofislari umumiy tintuv qilinayotganini ham xabar qildi”, — deb yozdi Kot Facebook’dagi sahifasida.
“Poroshenko so‘nggi paytlarda nomaqbullarni jazolash orqali ‘tartib o‘rnatish’ bo‘yicha faollashib qolganiga ko‘ra, yuz foizli ishonch bilan ayta olamanki, ertaga u Lyashkoni, undan keyin Kaplinni omma oldida hibsga oladi”, — deya ta’kidladi jurnalist.
Kotning ishonch bildirishicha, maydonni har qanday norozi fikrlardan tozalash orqali, prezident “mutlaq diktaturani yuzaga keltiradi”.
Nashr eslatishicha, 31-oktabr kuni ertalab “Alfa”ning sakkiz xodimi va Ukraina Bosh prokuraturasining ikki tergovchisi oligarx Kolomoyskiyning “o‘ng qo‘li” va “Ukrop” partiyasi yetakchisi Gennadiy Korbanning uyi eshigini buzib kirib, uni hibsga olgan edi.
Izoh (0)