Shvetsiyalik buvi (ayolning nomi oshkor qilinmagan) besh yil mobaynida nabirasi bilan mushuk tufayli sudlashdi va yutqazib qo‘ydi. Bu haqda Daily Mail ma’lum qildi, deya xabar berdi “Korrespondent.net”.
Voqea 2002-yili, 12 yoshli qizning onasi va o‘gay otasi unga uch oyli mushuk bolasini sovg‘a qilganidan boshlangan. Qizning salomatligi mushukni boqishga imkon bermagach, bir necha yildan so‘ng ota-ona buvidan jonivorga qarab turishni iltimos qiladi va u rozi bo‘ladi. 2010-yili qiz o‘z uyiga ega bo‘lgach, buvisidan mushukni qaytarishni so‘raydi, biroq u bundan qat’iyan bosh tortadi. Muammo tinch yo‘l bilan hal bo‘lmagach, 20 yoshli nabira buvisini sudga berdi.
Sedertern okrug sudi ko‘p yillar mobaynida chin dildan parvarish qilgani uchun buvi jonivorni o‘zida qoldirishga haqli, deb topdi. Ammo ish Svealand apellyatsiya sudiga oshirildi va bu muassasa nabira tomonini oldi hamda mushukni o‘z egasiga qaytarish to‘g‘risida hukm chiqardi.
Izoh (0)