Misrda halokatga uchragan Rossiya samolyoti bo‘laklari ostidan omon qolgan yo‘lovchilarning ovozlari eshitilmoqda. Bu haqda Reuters agentligi xabar bermoqda.
“Gazeta.ru”ning xabar berishicha, bu haqda hodisa joyida ishlayotgan Misr shoshilinch xizmatlari zobiti ma’lum qilgan.
“Hozirgi vaqtda qutqaruvchilar jamoa samolyot bo‘linmalaridan biri ustida ishlamoqda. Bo‘linma ichidagi odamlarning ovozini eshitganimizdan so‘ng, omon qolganlarni topishga umid qilyapmiz”, — dedi manba.
Avvalroq, aviahalokat natijasida “Kogalimavia” aviakompaniyasiga tegishli samolyot to‘liq vayron bo‘lgani haqida xabar berilgan edi. Samolyot bortida 224 kishi — 200 katta yoshli va 17 nafar bola, shuningdek, ekipajning 7 a’zosi bo‘lgan.
Eslatib o‘tamiz, Airbus 321 layneri 31-oktabr, shanba kuni Toshkent vaqti bilan 8:51 da Sharm-ash-Shayxdan Sankt-Peterburg tomon havoga ko‘tarilgan va oradan 23 daqiqa o‘tib radarlardan yo‘qolgan. Samolyotning qulaganini Misr bosh vaziri devoni tasdiqladi, Rossiya prezidenti Vladimir Putin esa halok bo‘lganlarning yaqinlariga hamdardlik bildirdi.
Izoh (0)