Turkiyaning Istanbul shahrida kamida olti kishi qalbaki alkogol mahsulotini iste’mol qilish natijasida vafot etdi, deya xabar bermoqda “TASS” mahalliy OAVlarga tayanib.
So‘nggi bir necha kun ichida shahar kasalxonalariga zaharlanish shikoyati bilan taxminan 47 kishi murojaat qilgan. Ba’zi OAVlar qurbonlar soni o‘n kishiga yetganini ta’kidlamoqda.
Istanbul politsiyasi xodimlari alkogol ichimliklarni qalbakilashtirishda gumon qilib, 14 kishini hibsga oldi. Dastlabki ma’lumotlarga ko‘ra, ular respublika uchun an’anaviy bo‘lgan arpabodiyon arog‘i — raki tayyorlashda metil spirtidan foydalangan.
Izoh (0)