Misr rasmiylari 25-oktabr, yakshanba kuni Qohira yaqinida joylashgan qadimiy ehromlar, jumladan, Gizadagi buyuk ehromlarning yangi, keng ko‘lamdagi o‘rganish boshlanishini e’lon qiladi. Loyiha to‘g‘risida maxsus matbuot anjumanida Misr qadimiy obidalar va madaniy meros vaziri Mamdux ad-Damati batafsil axborot berishi kutilmoqda. Bu haqda “RIA Novosti” xabar berdi.
Ma’lumotlarga ko‘ra, yangi tadqiqotlar ehromlarga o‘ta sezuvchan datchiklar o‘rnatib, koinot nurlari yordamida skanerdan o‘tkazishdan iborat bo‘ladi. Olimlar shunday usul bilan ehromlarning qalin devorlarini nurlantirish va ularning tuzilishini o‘rganib, xaritasini tuzishni rejalashtirgan.
“Ehromlar oldin ham o‘rganilgan, ammo ularda hali sir-asror ko‘p, ularning qanday qurilganini o‘zi jumboq. Koinot nurlari yordamida tadqiqot o‘tkazishdek yangi texnologiyalar birinchi bor qo‘llanishi, bunda bizga yaponlar ko‘mak beradi”, — deya ta’kidlagan ad-Damati.
Obidalarni skanerdan o‘tkazish kelgusi oydan boshlanishi ko‘zda tutilgan.
Izoh (0)