AQSh 2016-yildan boshlab Falastinga ko‘rsatilayotgan iqtisodiy yordam hajmini qisqartirish haqida qaror qabul qilgan. Bu haqda, “Kommersant” xabariga ko‘ra, AQSh davlat kotibi Jon Kerrining Yaqin Sharq bo‘ylab turnesida unga hamrohlik qilayotgan amerikalik diplomat ma’lum qildi.
Avvalroq arab mamlakatlari BMT Xavfsizlik kengashini Isroil okkupatsiyasi to‘xtatilmagunicha, shuningdek, Quddusdagi ziyoratgohlarning daxlsizligini saqlash bo‘yicha choralar ko‘rilmagunicha, Falastinni xalqaro muhofazaga olishga chaqirgan edi.
Eslatib o‘tamiz, Isroil—Falastin hududidagi to‘qnashuvlar mintaqada yana bir qaynoq nuqta paydo bo‘lishining oldini olishga qaratilgan xalqaro harakatlarni faollashtirib yubordi.
Xabar berishlaricha, AQSh davlat kotibi Jon Kerri Yevropa va Yaqin Sharq bo‘ylab davom etadigan bir haftalik safari davomida Isroil, Falastin va Iordaniya yetakchilari bilan inqirozdan chiqishning kechiktirib bo‘lmas yo‘llarini muhokama qiladi.
Izoh (0)