Indoneziyada davom etayotgan kuchli o‘rmon yong‘inlari qurbonlari soni 17 kishiga yetdi. Ulardan 10 nafari Sumatra va Kalimantan, yetti kishi esa Yava orolida halok bo‘lgan. Bu haqda tabiiy ofatlar oqibatlarini bartaraf etish milliy markazi ma’lumotlariga tayanib, “RIA Novosti” xabar bermoqda.
Sumatra va Kalimantan orollarining o‘zida yong‘inlar salkam 43 million kishiga daxl qilmoqda. Ulardan hosil bo‘lgan tutun nafaqat yaqin atrofda joylashgan Malayziya va Singapurga, balki Tailand va Filippinning janubiy provinsiyalariga ham yetib borgan.
Indoneziya tarixidagi yong‘in qarshi eng yirik amaliyotni o‘tkazmoqda: quruqlikning o‘zida 22 ming askar va politsiyachi safarbar etilgan. Shu haftada mamlakat hukumati iltimosiga ko‘ra Rossiyaning Be-200ChS samolyot-amfibiyasi ham yordamga kelgan.
Izoh (0)