Индонезияда давом этаётган кучли ўрмон ёнғинлари қурбонлари сони 17 кишига етди. Улардан 10 нафари Суматра ва Калимантан, етти киши эса Ява оролида ҳалок бўлган. Бу ҳақда табиий офатлар оқибатларини бартараф этиш миллий маркази маълумотларига таяниб, «РИА Новости» хабар бермоқда.
Суматра ва Калимантан оролларининг ўзида ёнғинлар салкам 43 миллион кишига дахл қилмоқда. Улардан ҳосил бўлган тутун нафақат яқин атрофда жойлашган Малайзия ва Сингапурга, балки Таиланд ва Филиппиннинг жанубий провинцияларига ҳам етиб борган.
Индонезия тарихидаги ёнғин қарши энг йирик амалиётни ўтказмоқда: қуруқликнинг ўзида 22 минг аскар ва полициячи сафарбар этилган. Шу ҳафтада мамлакат ҳукумати илтимосига кўра Россиянинг Бе-200ЧС самолёт-амфибияси ҳам ёрдамга келган.
Изоҳ (0)