AQShda avtomobil Oklaxoma shtati universiteti tomonidan tashkil qilingan parad chog‘ida tomoshabinlar olomonini yorib kirdi, deya xabar bermoqda Reuters. Natijada to‘rt kishi halok bo‘ldi, yana 40 ga yaqin kishi turli darajada jarohatlar oldi.
Hodisa 24-oktabr, shanba kuni mahalliy vaqt bilan 10:30 (Toshkent vaqti bilan 20:30)da Stiluoter shahridagi kampus yonida sodir bo‘ldi. 25 yoshli Edacha Chembers boshqarayotgan yengil avtomobil dastlab politsiya mototsiklini urib yuborgan, so‘ng, olomonni yorib kirgan.
Jabrlanganlarning 20 nafari kasalxonaga yotqizilgan, ularning yetti nafarida og‘ir shikastlanishlar aniqlangan.
Avtohalokat aybdori hibsga olindi. Unga nisbatan mast holatda mashina haydash aybi qo‘yildi.
Izoh (0)