Indoneziyaning Shimoliy Sulavesi viloyati ma’muriy markazi Manado shahrida joylashgan karaoke-barda 25-oktabrga o‘tar kechasi yuz bergan yong‘in oqibatida 12 kishi halok bo‘ldi. Bu haqda “RIA Novosti” xabar bermoqda.
“Detik.com” nashri xabariga ko‘ra, yong‘in kelib chiqqan vaqtda bar tashrifchilari binoning ikkinchi va uchinchi qavatida karaoke kuylayotgan bo‘lgan.
Nashrning mahalliy politsiya rahbari Rio Permanaga asoslanib ma’lum qilishicha, qurbonlarning aksariyati kislorod yetishmasligidan bo‘g‘ilib halok bo‘lgan.
Hozirgi vaqtda mazkur holat yuzasidan tergov harakatlari boshlangan.
Izoh (0)