АҚШ 2016 йилдан бошлаб Фаластинга кўрсатилаётган иқтисодий ёрдам ҳажмини қисқартириш ҳақида қарор қабул қилган. Бу ҳақда, «Коммерсант» хабарига кўра, АҚШ давлат котиби Жон Керрининг Яқин Шарқ бўйлаб турнесида унга ҳамроҳлик қилаётган америкалик дипломат маълум қилди.
Аввалроқ араб мамлакатлари БМТ Хавфсизлик кенгашини Исроил оккупацияси тўхтатилмагунича, шунингдек, Қуддусдаги зиёратгоҳларнинг дахлсизлигини сақлаш бўйича чоралар кўрилмагунича, Фаластинни халқаро муҳофазага олишга чақирган эди.
Эслатиб ўтамиз, Исроил—Фаластин ҳудудидаги тўқнашувлар минтақада яна бир қайноқ нуқта пайдо бўлишининг олдини олишга қаратилган халқаро ҳаракатларни фаоллаштириб юборди.
Хабар беришларича, АҚШ давлат котиби Жон Керри Европа ва Яқин Шарқ бўйлаб давом этадиган бир ҳафталик сафари давомида Исроил, Фаластин ва Иордания етакчилари билан инқироздан чиқишнинг кечиктириб бўлмас йўлларини муҳокама қилади.
Изоҳ (0)