Barak Obama ma’muriyati AQSh tarkibiga erkin ravishda qo‘shilgan hudud maqomiga ega Puerto-Rikoni defoltdan qutqarish taklifi bilan Kongressga murojaat qildi. “TASS” xabariga ko‘ra, Karib havzasida joylashgan ushbu davlat hukumati 72 milliard dollar hajmidagi o‘z qarziga xizmat ko‘rsatish qobiliyatiga ega emas.
“Faqatgina Kongress Puerto-Rikoga uning mavjud muammolarni hal qilish uchun zarur vositalarni taqdim etish va uni uzoq muddatli iqtisodiy o‘sish bilan ta’minlash vakolatiga ega”, — deyiladi AQSh moliya vaziri Jeykob Lyu, sog‘liqni saqlash va ijtimoiy xizmatlar vaziri Metyuz Bervell va AQSh prezidenti huzuridagi Milliy iqtisodiy kengash rahbari Jeff Zayentsning qo‘shma bayonotida.
Ularning qayd etishicha, “Puerto-Riko va orolni o‘z uyi, deb hisoblovchi 3,5 million amerikalik AQSh Kongressining shoshilinch harakatlari bilan hal qilinadigan jiddiy muammoga duch kelgan”. Avvalroq, 21-oktabr, chorshanba kuni Puerto-Riko hukumat taraqqiyot banki kreditorlar guruhi bilan muzokaralar yakuniga yetgani, qarzni restrukturizatsiya qilish haqida kelishuvga erishilmaganini ma’lum qilgandi.
Izoh (0)