O‘zbekistonlik xalqaro grossmeyster Rustam Qosimjonov Vengriya poytaxti Budapeshtda ilk bor tashkil etilgan Highlander Kupa—2015 turnirida g‘alaba qozondi. Bu haqda “12news.uz” xabar bermoqda.
Vengriyalik taniqli grossmeyster Yudit Polgar tomonidan tashkil etilgan musobaqa finalida Rustam Qosimjonov 16 yoshli mezbon, xalqaro shaxmat ustasi Gledura Benjaminni 3:1 hisobida mag‘lub etdi.
Musobaqa yarim finalida Qosimjonov vengriyalik boshqa bir xalqaro grossmeyster Chabu Balogani mag‘lub etgandi, 16 yoshli Gledura esa 12-jahon chempioni Anatoliy Karpovni taslim etgandi.
Rustam Qosimjonov Budapeshtdagi xalqaro musobaqa g‘olibi sifatida 6 million forint (taxminan 22 ming dollar) miqdorida pul mukofotini qo‘lga kiritdi. O‘zbekistonlik grossmeysterning Budapeshtdagi o‘yinlarini uning ayoli va ikki o‘g‘li bevosita zalda kuzatib bordi.
Izoh (0)