Ўзбекистонлик халқаро гроссмейстер Рустам Қосимжонов Венгрия пойтахти Будапештда илк бор ташкил этилган Highlander Kupa—2015 турнирида ғалаба қозонди. Бу ҳақда «12news.uz» хабар бермоқда.
Венгриялик таниқли гроссмейстер Юдит Полгар томонидан ташкил этилган мусобақа финалида Рустам Қосимжонов 16 ёшли мезбон, халқаро шахмат устаси Гледура Бенжаминни 3:1 ҳисобида мағлуб этди.
Мусобақа ярим финалида Қосимжонов венгриялик бошқа бир халқаро гроссмейстер Чабу Балогани мағлуб этганди, 16 ёшли Гледура эса 12-жаҳон чемпиони Анатолий Карповни таслим этганди.
Рустам Қосимжонов Будапештдаги халқаро мусобақа ғолиби сифатида 6 миллион форинт (тахминан 22 минг доллар) миқдорида пул мукофотини қўлга киритди. Ўзбекистонлик гроссмейстернинг Будапештдаги ўйинларини унинг аёли ва икки ўғли бевосита залда кузатиб борди.
Изоҳ (0)