Checheniston rahbari Ramzan Qodirov Facebook’dagi sahifasida o‘zbekistonlik bokschi Ruslan Chagayevni tug‘ilgan kuni munosabati bilan tabrikladi.
“Biz unchalik quvonchli bo‘lmagan kunlarda yaqindan tanishdik, o‘shanda u jiddiy mag‘lubiyatga uchragan va boksni tark etish niyatida edi. Biz ushbu ruhiy to‘siqni birgalikda yengib o‘tdik. Ruslan dam olish nimaligini bilmasdan mashq qildi. U ringda ham, hayotda ham g‘alaba qozondi. Ishonamanki, Ruslanning eng yaxshi kunlari va eng yaxshi janglari hali oldinda!” — deb yozdi Qodirov.
Checheniston rahbari bokschiga yangidan-yangi zafarlar tilab, doim u tomonida ekanligini ta’kidlab qoldi.
Eslatib o‘tamiz, avvalroq Ramzan Qodirov Ruslan Chagayevga hurmati cheksiz ekanligini ma’lum qilgan edi.
Izoh (0)