FIFA yilning eng yaxshi murabbiyi nomiga da’vogarlar ro‘yxatini e’lon qildi

Xalqaro futbol federatsiyasi — FIFA 2015-yilning eng yaxshi murabbiyi nomiga da’vogar mutaxassislar ro‘yxatini e’lon qildi. Bu haqda “Uff.uz” xabar bermoqda.

Ro‘yxatdan quyidagi mutaxassislar o‘rin olgan:Massimiliano Allegri (“Yuventus”), Karlo Anchelotti (“Real Madrid”/hozirda jamoasiz), Loran Blan (“PSJ”), Unai Emeri (“Sevilya”), Xosep Gvardiola (“Bavariya”), Luis Enrike (“Barselona”), Joze Mourinyo (“Chelsi”), Xorxe Sampaoli (Chili milliy terma jamoasi), Diyego Simeone (“Atletiko Madrid”), Arsen Venger (“Arsenal”).

2015-yilning eng yaxshi murabbiyi nomi 2016-yil 11-yanvar kuni ma’lum bo‘ladi.

Eslatib o‘tamiz, FIFA “Oltin to‘p”ga da’vogar 23 futbolchi nomini ham e’lon qildi.