AQSh rasmiylari Iroq Rossiyadan o‘z hududida IShIDga qarshi kurashda ishtirok etishni so‘ragudek bo‘lsa, bu mamlakatga yordam berishni to‘xtatadi. Bu haqda AQSh armiyasi shtab boshliqlari birlashgan qo‘mitasi rahbari Jozef Danford ma’lum qildi, deya xabar beradi “Korrespondent.net”.
Jurnalistlarga Iroqqa tashrifi va mamlakat bosh vaziri Haydar al-Obodiy, mudofaa vaziri Xolid al-Ubaydiy bilan muzokaralari to‘g‘risida hikoya qilgan Danford “ularga mabodo rossiyaliklar ham bunda ishtirok etsa, sizlarga yordam berish juda qiyin bo‘ladi. Iroqda rossiyaliklar harakat qilgudek bo‘lsa, amerikalik harbiylar amaliyot o‘tkazmaydi, deb aytdim”, degan.
Danfordning xabar qilishiga ko‘ra, bosh vazir va mudofaa vaziri uni Moskvadan yordam so‘rab murojaat etishmagani, shuningdek, Rossiyadan ham Iroqdda harbiy amaliyot o‘tkazish yuzasidan taklif bo‘lmaganiga ishontirgan.
Eslatib o‘tamiz, oldinroq Iroq yaqin orada Rossiyadan mamlakatdagi IShID marralariga aviazarbalar berishni iltimos qilishi mumkinligi to‘g‘risida xabarlar paydo bo‘lgandi.
Izoh (0)