АҚШ расмийлари Ироқ Россиядан ўз ҳудудида ИШИДга қарши курашда иштирок этишни сўрагудек бўлса, бу мамлакатга ёрдам беришни тўхтатади. Бу ҳақда АҚШ армияси штаб бошлиқлари бирлашган қўмитаси раҳбари Жозеф Данфорд маълум қилди, дея хабар беради «Корреспондент.net».
Журналистларга Ироққа ташрифи ва мамлакат бош вазири Ҳайдар ал-Ободий, мудофаа вазири Холид ал-Убайдий билан музокаралари тўғрисида ҳикоя қилган Данфорд «уларга мабодо россияликлар ҳам бунда иштирок этса, сизларга ёрдам бериш жуда қийин бўлади. Ироқда россияликлар ҳаракат қилгудек бўлса, америкалик ҳарбийлар амалиёт ўтказмайди, деб айтдим», деган.
Данфорднинг хабар қилишига кўра, бош вазир ва мудофаа вазири уни Москвадан ёрдам сўраб мурожаат этишмагани, шунингдек, Россиядан ҳам Ироқдда ҳарбий амалиёт ўтказиш юзасидан таклиф бўлмаганига ишонтирган.
Эслатиб ўтамиз, олдинроқ Ироқ яқин орада Россиядан мамлакатдаги ИШИД марраларига авиазарбалар беришни илтимоc қилиши мумкинлиги тўғрисида хабарлар пайдо бўлганди.
Изоҳ (0)